გიორგი ქოჩიაშვილი

Სალამი მე ვარ გიორგი, მობაილ დეველოპერი, ვებ დეველოპერი  და BitCamp-ის მენტორი. მაქვს 7 წლიანი გამოცდილება პროგრამირებაში, ჩემი კარიერის განმავლობაში ბევრ საინტერესო პროექტთან მქონდა შეხება, ამ პერიოდში ვიყენებდი სხვადასხვა პროგრამულ ენებს და ტექნოლოგიებს როგორებიცაა Python, Node, React, React Native, PostgreSQL, MySQL, MongoDB, Socket.IO, Flask და ა.შ. 

როგორც ყოფილმა სტუდენტმა, ვიცი რა გამოწვევებისა და სირთულეების წინაშე დგახართ პროგრამირების შესწავლისას. პროგრამირება რთული პროცესია და ხშირად საჭიროებს მენტორის დახმარებას, რათა გაიგოთ საფუძვლები, დაძლიოთ წინააღმდეგობები და მიიღოთ კარიერული მიმართულება.

ჩემი მენტორობის პროგრამა მრავალმხრივია და მოიცავს:

1. პროგრამირების ძირითადი კონცეფციების გაცნობას - ალგორითმები, მონაცემთა სტრუქტურები, ობიექტზე ორიენტირებული დაპროგრამება და სხვა მნიშვნელოვანი საკითხები.

2. კონკრეტული ტექნოლოგიების შესწავლას - Flask, Bootstrap, jQuery, SCSS და სხვა პოპულარული ტექნოლოგიები თქვენი ინტერესების შესაბამისად.

3. პროგრამირების ამოცანებისა და პრაქტიკული დავალებების განხილვას - კოდის ანალიზი, დებაგინგი, ოპტიმიზაცია და სხვა პრაქტიკული უნარების განვითარება.

4. კარიერული მიმართულებების შესახებ რჩევებს - როგორ მოვახდინოთ პროგრამირების უნარების გამოყენება სხვადასხვა სფეროში, როგორიცაა ვებ დეველოპმენტი, მობილური აპლიკაციები, მონაცემთა ანალიზი და ა.შ.

5. პროფესიული ზრდისა და განვითარებისთვის საჭირო რესურსების გაცნობას - წიგნები, ონლაინ კურსები, კონფერენციები, თანამედროვე ტენდენციები და ა.შ.

ჩემთან თქვენ შეძლებთ პროგრამირების ფუნდამენტურ შესწავლას, პრაქტიკული გამოცდილების შეძენას, პროფესიონალურ განვითარებას და კარიერული წინსვლისთვის საჭირო უნარების გაუმჯობესებას. ვიმუშავებთ თქვენს ძლიერ და სუსტ მხარეებზე, დავხვეწთ თქვენს ცოდნასა და უნარებს.

⏰ სამენტორო დღეები და საათები:

ორშაბათი 13:00 - 18:00

სამშაბათი 12:00 - 16:00

ოთხშაბათი 12:00 - 19:00

ხუთშაბათი 12:00 - 20:00

‍